Kona ba ami nia aktividade advokasia ba rai no meiu ambiente
Fundasaun Haburas mak ONG ambiental iha Timor-Leste, ne’ebé funda iha 1998, molok independénsia nasaun nian. Fundasaun Haburas mak rekonhesidu ba nia apoiu ba inisiativa ambiental sira no preservasaun valor kulturál Timoroan. Fundasaun Haburas mos involve makas iha inklusaun artigu importante haat iha Konstituisaun Timor-Leste nian: direitu ba ambiente saudável; respeitu ba lei kustumbrária tradisionál; prioridade ba dezenvolvimentu sustentável; no jestaun rekursu naturál. Naran ‘Haburas’ rasik, ne’ebé bele mos signifika ‘atu halo buat ruma matak no malirin’, kaptura misaun organizasaun nian.
Inisiative Ambiental
Haburas involve ativamente iha edukasaun no advokasia ambiental. Hafoin independénsia, Haburas involve ho prioridade a’as iha inisiativa ambiental sira. Entre sira mak proteje Lagoa Iralalaru iha parte leste nasaun nian, área ida kulturalmente signifikante ne’ebé ameasadu husi proposta estasaun hidroelétrika no planu atu bomba lago ba irrigasaun plantasaun tohu. Haburas husu atu halo estudu ambiental liu tan ba ekosistema no impaktu ba komunidade lokál molok dezenvolvimentu ida ne’e hakat ba oin.
Haburas mós suporta programa reflorestasaun komunidade no jestaun bee atu redus degradasaun floresta no rai. Importante tebes ba esforsu ambiental sira ne’e mak revitalizasaun kultural Tara Bandu, nudar kuadru légal lokal ne’ebé habilita komunidade sira atu aplika koñesimentu ekológiku tradisional nian ba kuidadu ambiental kontemporánea.
Advokasia ba rai
Fundasaun Haburas mos membru husi Rede ba Rai, koalisasaun husi organizasaun sosiadade sivíl nian, organizasaun naun-governamentál nasionál no internasionál ne’ebé servisu kona-ba direitu no aksesu ba rai iha Timor-Leste, monitoriza dezenvolvimentu polítika no lei rai nasionál nian, dezenvolve literasia legal no mobiliza suporta ba komunidade afetadu (deslokadu no despejadu).
Atu hatene liu tan https://redebarai.org/
HABURAS FOUNDATION 