Konaba FUNDASAUN HABURAS

IStoria, misaun no visaun

Fundasaun Haburas hari’i iha 1998, durante okupasaun Indonesia nian, husi grupu estudante Timoroan. Haburas mak grupu ambiental nasionál ne’ebé tuan liu no aktívu liu iha nasaun laran.

Haburas uza rede grupu komunidade lokál no depende ba kultura tradisionál Timor hodi promove prátika jestaun ambiental ne’ebé di’ak liu ne’ebé mós responde ba nesesidade dezenvolvimentu husi komunidade lokál.

Haburas promove prinsípiu igualdade oportunidade, aksesu igual ba rekurso, responsabilidade igual ba proteksaun povu no ambiente, no garante igualdade ba benefísiu ba ema hotu.

Objetivu Haburas nian atu atinje harmonia entre ema ho ambiente liu husi konservasaun no restaurasaun ambiente no asegura rekursu naturál jestiona ho responsabilidade no ba bem-estar no prosperidade komum husi povu Timor-Leste.

OBJETIvu

Objetivu Haburas nian mak:

• atu proteje no rejenera ambiente naturál Timor-Leste nian;
• atu eduka no informa povu Timor-Leste kona-ba asuntu ambientais;
• atu defende asuntu ambiental ne’be iha impaktu ba sosiedade Timor-Leste nian iha governu no iha tribunal;
• atu halo mediasaun no resolve konflitu ambiental;
• atu proteje, tau matan no defende valor kulturál tradisionál ne’ebé promove harmonia entre ema ho ambiente;
• atu dezenvolve étika ambiental entre Timor oan hotu;
• atu monitoriza uzu no jestaun rekursu naturál no asegura katak “prosesu dezenvolvimentu” laiha impaktu negativu ba ambiente;
• atu buka dalan ba moris ne’ebé bazeia ba uzu sustentável rekursu naturál;
• atu forma ligasaun no koopera ho organizasaun sira seluk ne’ebé servisu ho espíritu hanesan tantu iha Timor-Leste no mos iha mundu.